Elayne Arrington
Éwn malábó:Infobox scientist Elayne Arrington (ku ma bi 1940) chẹnẹ American ki chi mathematician kpai engineer. Ch'onobulẹ African American ki ch'ọkọchẹ nwu kpa kpai bachelor degree kwi School of Engineering yi University of Pittsburgh. Anubi ki nẹ ọtakada Ph.D. nwu , i lo na ch'añwago Soviet Union ọkọ-ojale yi Wright-Patterson Air Force Base.[1][2]
Abakwanẹ ọlayi nwu kpai Ukọchẹ
[nwọ́che | nwó étéwn che]Elayne Arrington gba dufu efu West Mifflin, Pennsylvania. Unyi ukọchẹ ki che kwo chi Homestead High School (ku ma dọ Steel Valley High School abajọ-i ) efu ọdọ 1957 ugbo ki chẹnẹ ẹkeji yi SAT efu mathematics (i nẹ aluka 797 kwefu 800).[3].[3]
Ma mu Arrington du dago todu ki chẹnẹ ku ma r'ọkọ nwu ki ch'ukọchẹ mechanical engineering yi University of Pittsburgh. Ama abo ki ach'atẹko lẹ ku ma dọ Mesta Machine Company, mu atẹko m gba dabi, kakini i d'ukpẹ ki ch'ẹnẹkẹ ma du ọkọ lẹ nwu todu ku ma n'ibe kakini onobulẹ "ach'ukọchẹ engineering kpa-n."[4] Ama ubi ọla yi gba, Efu ọdọ 1961 Arrington mu da che onobulẹ African-American ejodudu ki che kpa kwi University of Pittsburgh's School of Engineering. Ẹnẹ ka efu engineering honorary yi Pi Tau Sigma.[4] I k'ọla lugbo am'ẹnwu ki ch'akanya ki li yi Rouvalis.[2] Éwn malábó:Blockquote Arrington lo t'ọgba na ch'ukọchẹ master's degree nwu efu mathematics kwi University of Dayton efu Ohio, manyi alu ki na ch'ukọlọ master's nwu lẹ Arrington che Charles Phelps Taft Fellow, i ñọ ch'ukọchẹ math efu Oxford University.[2][3] I ñọ gb'ọtakada Ph.D. efu math yi University of Cincinnati efu ọdọ 1974 kpai ukọlọ thesis The P-Frattini Subgroup of a Finite Group, ẹnẹ ki adu eje g'ukọlọ che Donald B. Parker.[2][5] I wa che onobulẹ African-American ẹkẹgwebie efu United States ki nẹ ọtakada PhD efu mathematics.[3][6]
Ukọlọ
[nwọ́che | nwó étéwn che]Arrington ch'ukọlọ aerospace engineer efu Foreign Technology Division yi Wright-Patterson Air Force Base in Dayton, Ohio.[6] I chẹnẹ ki a d'eju go ukọlọ Soviet Union aircraft.[6]
Efu ọdọ 1974 kpai ọtakada doctorate nwu etitọ, u dabi wa University of Pittsburgh ugbo ki kọ amonẹ ẹnwu yi department of mathematics and statistics. Arrington f'ukọlọ nwu bu w'anẹ efu ọdọ 2012, manyi i tanẹ kw'oji ukọlọ university efu ọdọ 2018.[2][3][7]
Efu ọdọ 2007, i ma du ki chẹnẹ ka efu Community College of Allegheny County board members.[7]
Efu ọdọ 2016, Arrington du class ka yi Pittsburgh Theological Seminary efu New Testament Greek "todu ki neke gbi Bible alu ichi ku ma kọ tanẹ ejodudu."[2] i chanẹ eche ukọchẹ theology yi University of Pittsburgh manyi i la ñọ n'ibe ki che kpa efu ọdọ 2021 ẹgba ki ch'ọdọ 81, nwu ọtakada master's degree, efu theological study.[2]
Uloko
[nwọ́che | nwó étéwn che]Efu ochu ẹlẹ efu ọdọ 2007, Arrington gba uloko Distinguished Alumnus Award kwi University of Pittsburgh's African American Alumni Council.[6]
References
[nwọ́che | nwó étéwn che]- ↑ Wojcik, Joe (15 February 2017). "Pioneer role model for next generation". www.bizjournals.com. Retrieved 2018-05-30.
- ↑ 2.0 2.1 2.2 2.3 2.4 2.5 2.6 Rouvalis, Cristina. "Against the Odds". Pitt Magazine (in English). Retrieved 2020-11-06.
- ↑ 3.0 3.1 3.2 3.3 3.4 "Elayne Arrington". www.pts.edu (in English). Retrieved 2018-05-30.
- ↑ 4.0 4.1 "Robert Hill: Pittsburgh's own 'Hidden Figures'". Pittsburgh Post-Gazette (in English). Retrieved 2018-05-30.
- ↑ "University of Cincinnati Mathematics PhD Alumni". Archived from the original on 2020-06-10.
- ↑ 6.0 6.1 6.2 6.3 "Four Inspiring African-American Women Honored at University of Pittsburgh - SWSG". SWSG (in American English). 2017-07-20. Retrieved 2018-05-30.
- ↑ 7.0 7.1 "6 Apr 2007, Page 12 - Pittsburgh Post-Gazette at Newspapers.com". Newspapers.com (in English). Retrieved 2020-11-10.
Lua error: expandTemplate: template "EditAtWikidata" does not exist. American